Wat is ’n “Fire Management Unit”?

(Afrikaans: Brandbestuurseenheid)

’n FMU van die Groter Overberg Brandbeskermingsvereniging (goFPA):

• Dit bestaan uit ’n gelokaliseerde gebied waarin geïntegreerde brandbestuurspogings tussen individuele grondeienaars op die doeltreffendste wyse gekoördineer kan word.
• Hierdie FMU’s is dan gewoonlik die “eerste reaksie” op ’n brand wat in hul gebied ontstaan.
• Die FMU gee strategiese leiding aan die goFPA/Brandweerdienste oor geïntegreerde brandbestuur in die gebied wat deur die FMU gedek word.
• Die doel is om vergaderings te hou vir beplanning voor die brandseisoen en terugvoer na die brandseisoen.
• Elke FMU kies sy eie leier. Dié leier verteenwoordig die betrokke grondeienaars in beplanning, voorbereiding en hul reaksie op veldbrande. ’n FMU kan meer as een leier hê.

Die rol van die goFPA

• Koördineer die stigting van die FMU’s – hierdie stap is grotendeels voltooi.
  a. Help met veranderinge aan die FMU, insluitend grense, soos versoek deur die FMU-leier.
  b. Neem verantwoordelikheid vir die administrasie en die opstel van die koördinering van betrokke aktiwiteite.
• Skakel in en skakel met die brandbestuurkundiges.
• Verskaf die vereiste kaarte en karteringsdienste.
• Help met die kosteberekening en beplanning van die brandbestuursaktiwiteite.
• Deel belangrike brandbestuursinligting.
• Help met die voorbereiding van die Brandbestuursplan(ne).
• Help met alle navrae.

Hoe word FMU-gebiede bepaal, en watter implementeringsaktiwiteite moet plaasvind?

Bestaande FMU-grense – soos voorheen vasgestel of geïdentifiseer deur vorige Brandbeskermingsverenigings (“FPAs”) – het as die beginpunt gedien. Die goFPA-span sal hierdie gebiede hersien en help met die bevestiging, geldigverklaring of aanpassing van die grense deur skakeling met FMU-lede, brandbestuurspesialiste en plaaslike kundiges wat vertroud is met elke proses.

Aanvanklik sal die doelwitte en aktiwiteite fokus op brandvoorbereiding en -reaksie – veral op die vestiging van kommunikasie en koördinering tussen FMU-lede en die Brandweer. Verder sal ’n proses van stapel gestuur word om hoëbrandrisiko-gebiede binne die grense van die FMU te identifiseer.

Hierdie inligting sal dan inwerk op die Veldbrandbestuursplan vir die area. Bestaande kaarte van die Brandweer, FMU’s en goFPA sal hiertoe bydra deur ’n visuele kaart van die gebied te verskaf met die relevante veldbrandgeskiedenis, brandbestuurstoerusting, toegangspunt, veldtipe en -ouderdom, topografiese kenmerke, ens.

Soos die FMU se volwassenheidsvlak toeneem en soos ons brandbestuursbeplanning verbeter, sal die rolle en verantwoordelikhede van die FMU, FPA en die Brandweer ontwikkel.

Die stappe om ’n FMU te stig

1. Stigting van die FMU

By die eerste vergadering moet alle belanghebbendes/lede ooreenkom oor:

• FMU-gebied
• Leierskap
• Minimum koördineringspogings en inligtingvereistes (verwys na stap 2)
• Rolle en verantwoordelikhede
• Indien moontlik: Begin die proses om die brandrisiko- en bestuursvereistes van die gebied te identifiseer.

2. Versamel en sorteer brandbestuursdata

Die goFPA-span, met ondersteuning van die FMU-leierskap, sal alle kommunikasie en belangrike brandbestuursinligting insamel, assimileer en versprei. Die verwagte uitkomste:

– Kommunikasieraamwerk met al die grondeienaars/lede se besonderhede
– Die Brandweerdienste se kontakbesonderhede en prosedures
– Opdatering oor brandbestuursrisiko’s

3. Ooreengekome operasionele prosedures in die geval van ’n brand

Die goFPA, met die hulp van die Brandweer, sal die FMU-leierskap help om veilige en gekoördineerde reaksieprosedures/-aktiwiteite te ontwikkel en te kommunikeer. ’n FMU-vergadering word aanbeveel. Ons kan help met die reëling van die vergadering.

4. Volgende stappe

Deurlopende verbetering, terugvoer en verpligte voor- en na-brandseisoen-vergaderings.